Sètz aquí : Acuèlh > Divèrs, eveniments > Analisi deu mercat de l’emplec "occitan” de 2011
emploi
AGENDÀ de l'EMPLEC
emplec
emploi
emploi
Analisi deu mercat de l’emplec "occitan” de 2011
Analisi deu mercat de l'emplec "occitan” de 2011

Lo “Servici de l’Emplec” que’s fixa l’objectiu de participar a l’integracion de l’occitan en l’economia en tot facilitar l’intermediacion deu mercat de l’emplec occitan entà favorizar l’encontre de l’aufèrta e de la demanda d’emplec en “occitan”. L’annada 2011 constitueish la permèra annada civiu plena de foncionament deu “Servici de l’Emplec”. A aqueste títol, 2011 que representarà ua annada de referéncia peu servici e per l’emplec “occitan”.

A la faiçon de çò realizat peu mercat “generau” de l’emplec, que tanh au “Servici de l’Emplec” de vos presentar l’analisi de las dadas de l’emplec “occitan” per l’annada passada.

Dab aqueste article que vos prepausam ua sintèsi de las resultas màgers obtengudas a l'escasença de l'estudi estatistic deu mercat de l'emplec occitan de 2011. Totun, se voletz informacions mes, que poderatz trobar l'analisi sancera de l'emplec occitan de 2011 en pèça junta.

En 2011, lo “Servici de l’Emplec” recensè 160 aufèrtas concernent postes de tribalh necessitant competéncias en occitan. Entremiei aquestes 160 pòstes prepausats, 125 qu’estón l’objècte d’una aufèrta peu site www.emplec.com, 32 e son la fruta deus concors de « l’Education Nationale » (anonciats peu “Servici de l’emplec”) e 3 pòstes de tribalh estón creats abans que'n estóssem avisat (aquò ne’us tira pas nada valor entà integrar-las a la nosta analisi estatistica de l’emplec occitan).

Aquera permèra dada de 160 pòstes prepausats en occitan, ja qu’ei la pròva chifrada que l’occitan genèra emplecs e donc possibilitats d'emplecs entaus estudiants o demandaires d’emplecs.

Un recors au CDI comparable dab aqueste deu mercat generau de l’emplec.

Ua concentracion de las hòrtas de l’emplec occitan en dus sectors d’activitats : l’ensenhament e lo servicis a las personas e a las collectivitats (quasi-excusivament associacions occitanistas coma l'IEO o lo CFPO) representan 86 % deus postes prepausats.

Ua mestresa de la lenga qu'ei requesida peus dus tèrç de las aufèrtas.

Un recors au temps plen en 54% deus cas, (pas tan coma peu mercat generau).

Ua disparitat geografica de las granas favorabla a las regions Mieidia-Pirenèus, Lengadòc, e Aquitània (89 % de l'emplec). Donc, l’occitan que representa un avantatge entà encontrar un emplec, mès a condicion d'ua cèrta mobilitat geografica per ua bona part deus occitanofònes).

Un mercat de l’emplec duau : en efèit l’emplec en occitan que's caracteriza per la coabitacion d’un ensemble d’emplecs estables (en CDI e dab remuneracions meslèu bonas) e d’un ensemble d’emplecs precaris caracterizats peu temps parciau, la remuneracion au "SMIC” e lo CDD) :

  • Los emplecs estables (23%) : CDI e CDD de mes d’un an, de remuneracion superiora a 1,5 SMIC per 76%. De mes, l’ensemble d'aqueras aufèrtas pertòca pòstes de temps plen. Los emplecs aquestes que son hornit gràcias a "l’Education Nationale” mes que mes.

  • Los emplecs precaris : CDD de mens d'un an e sovent caracterizats per salaris deus baish e tocats peu temps parciau.

  • Los emplecs de tipe "complementaris” : quauques òras per setmana, plan pagadas (de tipe vacacion) e qui constitueishen complements d’activitats la màger part deu temps (20% de las aufèrtas).

Un nombre de visitas deu site www.emplec.com que tanh a aumentar regularaments, cò que demòstra a l'encòp un creish de la sua popularitat e, ça'm par, ua hauça de las personas que recèrcan formacions o emplecs en occitan.

Ua manca relativa de candidats respècte a l’aufèrta de tribalh en occitan (donc, una necessitat de las granas de formacion), d’autant que un hèish d'aufèrtas que necessitan ua mestresa de l’occitan. Aqueste deficit de candidat que pertòca lo sector estable deu mercat de l’emplec en occitan.


 

Documents anèxes