Sètz aquí : Acuèlh > Divèrs, eveniments > Aprenem l’occitan
emploi
AGENDÀ de l'EMPLEC
emplec
emploi
emploi
Aprenem l’occitan
Aprenem l'occitan

Voletz aprénguer l’occitan, que’vs podetz assabentar de las formacions ponctuaus, de las actualizacions e d’ua pièla d’informacions en tot cercar peu site www.aprenemloccitan.com o en aperar lo 0800 74 69 64 (n° verd).

Libertat, jòia, bonaür, plaser : perqué ne pas se botar a l’occitan ?
Aprénguer ua lenga n’ei pas reservat qu’aus escolans, collegians e liceans e, per astre, james n’ei pas tròp tard entà s’i botar. Qu’existeish près de vòsta, ua aufèrta variada de cors, d’estagis intensius e immersius, de talhèrs de conversacion, de cors per correspondéncia, de cors deu ser peus debutants o peus locutors avançats. Be i a de tot !

Peus demandaires d’emplec en reconversion professionau, l’occitan qu’ei un avantatge que pòt desembocar en un emplec. Peus parents qu’an mainats en calandreta, la coneishença de l’occitan que permet d’acompanhar lo mainat pendent l’aprendissatge. Peu personau enquadrant de las casas de retirada e deus espitaus, aquò que permet d’èster mes pròche deu pacient. Per las professions ligadas au torisme e aus produits locaus, aquò que permet de crear ua identitat originau ligada au país. Tanben, l’aprendissatge d’ua lenga mes, mes que mes de l’occitan, ne necessita pas forçadament un argument utilitari. Aprenguem l’occitan, especiaument, peu plaser, e dab jòia. Bonaür de comunicar dab la lenga, libertat entà accedir a ua cultura rica per tots los sués aspèctes.

La campanha de promocion deus cors d’occitan peus adultes « Aprenem l’occitan » que s’empara sus supòrts d’informacions divèrs entà informar lo public de l’ensemble deus cors d’occitan. Aquera operacion que’s tenguerà per la seisau annada consecutiva. Segur que, peu vòste departament, daubuas estructuras qu’auràn començat lo procès necessari entà obténguer lo labèl de qualitat pedagogic PARLESC (PAR-lar-LEgir-ESCríver).

Que podetz v’assabentar de las formacions ponctuaus, de las actualizacions e d’ua pièla d’informacions en tot cercar peu site www.aprenemloccitan.com o en aperar lo 0800 74 69 64 (n° verd).