Sètz aquí : Acuèlh > Formacions permanentas > Las certificacions de Lenga > Diplòmas Escapolaire A2, B2 et C1
emploi
emploi
Diplòmas Escapolaire A2, B2 et C1
Diplòmas Escapolaire A2, B2 et C1

Los diplòmas Escapolaire A2, B2 e C1 garantisson de competéncias definidas pel Quadre Europèu Comun de Referéncia per las Lengas (QECRL) en occitan lengadocian e gascon.

Lo QECRL es un esplech que permet de precisar al maxi los objectius d’aprendissatge realistas que respondon als besonhs dels apreneires. Definís tanben los nivèls de competéncias en lenga de A1 a C2. Es un tèxt del Conselh d’Euròpa utilizat pels organismes dels mai serioses d’ensenhament de las lengas en Euròpa.

La referéncia al QECRL es pròva de seriós : los Diplòmas de la ret dels Centres de Formacion Professionala Occitans se vòlon d’èsser de certificats de competéncia reconeguts.

Son tanben d’espleches tocables pels emplegaires, pels salariats. Nombroses son los qu’an de besonh d’una reconeissença en lenga siá per avalorar un apprendissatge, siá per valorizar un saber.

Nivèl A2 dich« de subrevida » :

- Pòt comprene de frasas isoladas e d’expressions frequentament utilizadas en relacion amb de domènis immediats de prioritat (per exemple, informacions personnalas e familhalas simplas, crompas, environament pròche, trabalh).

- Pòt comunicar per de prètzfaches simples e costumièrs demandant sonque un escambi d’informacions simple e dirècte sus de subjèctes costumièrs.

- Pòt descriure demercé de mejans simples sa formacion, son environament pròche e parlar de subjèctes que correspondon a de besonhs immediats.

Nivèl B2 dich« independent » :

- Pòt comprene lo contengut essencial de subjèctes concrets o abstraches dins un tèxt complèx, compresa une discutida tecnica dins son especialitat.

- Pòt comunicar amb una espontaneïtat e una aisidença tala que una convèrsa amb un locutor natiu pòrta pas de tension ni per l’un ni per l’autre.

- Se pòt exprimir de biais clar e detalhat sus un panèl grand de subjèctes, emetre un vejaire sus un subjècte d’actualitat e expausar los avantatges e los desavenis de possibilitats diferentas.


Nivèl C2 dich « autonòma » :

Pel primièr còp, un examen d’occitan al nivèl C1 s’es debanat a Besièrs pels futurs formators lo 9 de novembre de 2009. A aquel nivèl, lo diplòma es fondat en compreneson, sus de documents de totes los dialèctes, e en produccion, dins lo dialècte de cadun (un examen unic doncas per totes).

- Pòt comprene una granda diversitat de tèxtes longs e exigents, e entendre los significats implicits.

- Se pòt exprimir d’un biais espontanèu e corrent sens donar l’aparéncia de cercar sos mots.

- Pòt utilizar la lenga d’un biais eficaç e sople dins sa vida sociala, professionala o academica.

- Se pòt exprimir de biais clar e plan estructurat sus de subjèctes complèxes, e manifestar son contraròtle dels otisses d’organizacion, d’articulacion e de coesion del discors.

Dempuèi junh de 2005, los Diplòmas se debanan sus las tres regions :

- En Miègjorn-Pirenèus, pel lengadocian e lo gascon, CFPO.MP de Tolosa.


- En Aquitània, pel gascon, CFPÒC d’Ortés.


- En Lengadòc-Rosselhon, pel lengadocian, CFPO Lengadòc de Besièrs, CFPO lengadòc

Eveniments associats

  • Per passar l’escapolaire nivèl B2 en Miègjorn-Pirenèus :
    le samedi 23 juin 2012
  • Per passar l’escapolaire nivèl B1 en Miègjorn-Pirenèus :
    le mardi 26 juin 2012
  • Per passar l’escapolaire nivèl A2 en Miègjorn-Pirenèus :
    le samedi 30 juin 2012
  • Per passar l’escapolaire nivèl C1 en Miègjorn-Pirenèus :
    Del lundi 16 juillet 2012 al mardi 17 juillet 2012