1 – Lo CRPE occitan

Los objectius de la formacion son los seguents :

• Preparar las espròvas d'admissibilitat e d'admission del CRPE (Concors de Recrutament de Professor de las Escòlas) e del CRPE especific Occitan articulat amb las disciplinas e la dimension professionala.
• Descobrir e apréner lo mestièr d'ensenhaire del primièr gra (escòla mairala e escòla elementària) gràcias a d'estagis d'observacion, de practicas acompanhadas e en responsabilitat.
• Aquesir lo nivèl de formacion pluridisciplinari necessari per ensenhar dins lo primièr gra e capitar lo concors.
• Desvolopar una cultura de basa dins l'ensemble de las disciplinas ensenhadas a l'escòla.
• Menar l'estudiant a far un trabalh de recèrca universitària e realizar un memòri.

Lo contengut de la formacion del CRPE Lengas Regionalas es lo meteis qu'una formacion al CRPE autra. Son especificitat ven del fait que forma en mai al mestièr d'ensenhaire bilingüe, amb de contenguts especifics (estagis, renforçament de la lenga).

Notatz que los concors de recrutament son academics, a la diferéncia dels concors de recrutament per l'ensenhament en segond gra qu'eles son nacionals.

2 – Lo CRPE classic

Quitament sens l'amira de passar un concors especific per far regent dins una escòla bilingua, l'occitan pòt èstre una opcion al dintre del CRPE general.

3 – Ont se formar a qué ?

Dins l'acadèmia de Tolosa :
Dos sites prepausaun lo Master EFE : l'IUFM de Montalban (occitan lengadocian) e l'IUFM de Tarba (occitan gascon).

Inscripcions, contengut detalhat de la formacion sul site de l'IUFM de Miègjorn-Pirenèus

Dins l'acadèmia de Montpelhièr :
La formacion per ensenhar en occitan se passa a l'IUFM de Carcassona. Las entresenhas practicas pertocant la formacion son aquí. M1 e M2 percors especific "Ensenhament bilingüe occitan" dins l’encastre del MEF (Mestièrs de l'Educacion e de la Formacion) de l’IUFM. 

Dins l'acadèmia de Bordèu :
Pel CRPE especific d'occitan, tot se passa a Pau. Per veire las modalitats d'inscripcions, clicatz aquí.

Dins l'acadèmia de Lemòtges :
Una espròva facultativa d'occitan se pòt preparar a Tula. Clicatz aquí per veire los detalhs practics Exitís pas cap d'escòla bilingua dins aquela acadèmia.

Dins l'acadèmia de Clarmont :
Es possible de causir l'opcion occitan al dintre del concors de recrutament, mas i a pas de formacion a l'IUFM. I a pas d'escòlas bilinguas dins aquela acadèmia.

Dins l'acadèmia d'Ais-Marselha :
Se pòt causir una opcion d'occitan (denominada « Provençal ») en LV2 opcionala. Entresenhas sus aquesta pagina.

Dins l'acadèmia de Granòble :
Quitament s'es pas en Occitània, l'Acadèmia de Granòble-Lion compta dos departaments occitans. Malgrat aquò, i a pas d'ensenhament de l'occitan dins los IUFM de l'acadèmia e l'ofèrta d'ensenhament pel primièr gra es tèunha.