Sètz aquí : Acuèlh > Divèrs, eveniments > Jornalista occitanofòne
emploi
emploi
Jornalista occitanofòne

La Federacion "VIVRE AU PAYS - RÀDIO PAÍS" recèrca un jornalista occitanofòne.

Ràdio País que recèrca, a partir de genèr de 2012, un - ua jornalista (si possible dispausant de la carta de premsa) qui lei, parla e escriu l’occitan. Devath la responsabilitat deu cap redactor, de la coordinatora delegada e devath la responsabilitat de publicacion de la presidenta de l’estructura, assegura en foncion de l'eveniment, de la linha directora fixada peu Conselh d’Administracion de l’associacion e de la soa personalitat, la difusion d’informacions, prioritàriament en lenga occitana mes non exclusivament, per via radiofonica. Qu’ei cargat(-ada) deu tractament dirècte de l’informacion : reportatges, entervistas, redaccion d’articles, montatge. CDD 6 mes dens un prumèr temps, enquadrat per la convencion collectiva deus jornalistas e de la radiodifusion privada. Lòc de tribalh : estúdio de Puei (64230). Que poderà estar amiat(-da) a tribalhar tanben a l’estúdio de La Lobèra (65) dens l’encastre d’ua cobertura de l’informacion sus Mieidia Pirenèus. Que serà amiat(-da) a circular a fins de realizar lo son tribalh (veïcule o mejan de transpòrt requist). Tribalhs màgers (non exaustiu) : Recèrca l’informacion. Decideish deu mòde de tractament deu subjècte en foncion deus programas, deu public cible, de la soa sensibilitat e de las orientacions deu mèdia. Aprèsta las soas intervencions e las partatja dab los collègas Pren los contactes exteriors que hèn hrèita au bon debanament deu son tribalh (entertiens, requèsta d’autorizacions au près d’organismes publics o privats). Realiza reportatges. Causeish un eveniment, un hèit o un tèma que deu interessar lo public de la ràdio. Cèrca, arrecapta l’informacion e la verifica. Hica en fòrma finau l’informacion (lectura tornar, calibratge, mesa en ondas, ritme...) Autes tribalhs (non exaustiu) : En l’encastre de la « Federacion », participa au tribalh de redaccion dab d’autas ràdios o d’autes mèdias. Ajuda dens lo son tribalh lo o los jornalista(s) responsable(s) deus projèctes de mutualizacion o de cooperacion. Participa a las divèrsas amassadas ligadas a la soa foncion. Pòt estar amiat a iniciar joens en formacion au mestièr de jornalista. Participa a har saber çò qui ei difusat (ex : informacions de la setmana) au près deus auditors, de la premsa e per Internet. Se n’a pas dejà la soa carta de premsa, velha a obtiéner la soa carta professionau de premsa au près de la comission de la carta, tanlèu qu’a lo nombre de huelhas de paga requist. Velha a har renovelar la soa carta professionau.

Competéncias requesidas

Que recercam quauqu’un de dinamic, qui sap préner iniciativas, e qui apreciarà de tribalhar en equipa dens ua estructura associativa.

Descripcion complementària emplegaire

Persona contacte : Peireta Bordenave au 05 59 77 12 83


 

Començament deu contracte : 15/03/2012

Durada : 6 mes

30-35 òras per setmanas

Salari : segon nivèu, se carta professi

Nivèu d'estudi desirat : Bac + 2

Bona cultura generau

Experiéncia demandada

Vila d'emplec : PUEI (64) o LA LOBERA (65)