Sètz aquí : Acuèlh > L’Institut d’Estudis Occitans
emploi
AGENDÀ de l'EMPLEC
emplec
emploi
emploi
L’Institut d’Estudis Occitans
L'Institut d'Estudis Occitans

L’Institut d’Estudis Occitans es l’estructura interregionala que gerís lo Servici de l’Emplec. Es una associacion de lei 1901 reconeguda d’utilitat publica qu’a per tòca lo manten e lo desvelopament de la lenga e de la cultura occitanas dins son ensemble.

Tot lo mond que son a l’ora d’ara a l’IEO trabalhan per que l’occitan trape sa plaça legitima, la d’una granda lenga d’Euròpa. Es per aquò que l’IEO se bolèga per obtenir una plaça mai importanta per l’occitan dins la vida publica, los mèdias, l’ensenhament.

L’IEO es tanben una accion quotidiana de cada aderent per que la cultura occitana siá una cultura viva e contemporanèa, creatritz e innovanta, qu’assuma tanben son istòria.

L’IEO es la volontat d’amassar los esfòrces de totes los que vòlon que l’occitan trapèsse sa plaça dins una diversitat culturala essenciala dins la societat d’uèi.

Aquesta batèsta, venètz la partejar ambe nautres, los 1500 aderents e 40 emplegats que trabalhan dins las diferentas associacions federadas del malhum de l’IEO. Podètz vos marcar dins l’una de las 28 seccions despartamentalas e 7 seccions regionalas que federam, o directament alprèp de l’IEO nacional.

Contactatz-nos tanben per mail : direccion@ieo-oc.org

www.ieo-oc.org