Sètz aquí : Acuèlh > Formacions permanentas > Las certificacions de Lenga > La validacion deus aquesits d’experiéncia (VAE)
emploi
AGENDÀ de l'EMPLEC
emplec
emploi
emploi
La validacion deus aquesits d’experiéncia (VAE)
La validacion deus aquesits d'experiéncia (VAE)

L’idea de la VAE qu’ei de dar ua certificacion a ua persona qui ne la possedeish pas mes que la pòt amerità’s pr’amor de la sua experiéncia.

Atau, la VAE que pòt representar : - ua assegurança en cas de pèrta d'emplec, se i a avut ua evolucion deu mercat de l'emplec e deus diplòmas demandats. - ua possibilitat d'evolucion de cap a navèras responsabilitats o navèths mestièrs Presentacion juridica La VAE qu'ei un dret estipulat au libe IX deu Còdi deu tribalh, alinea 4 de l’article L. 900-1 : “toute personne engagée dans la vie active est en droit de faire valider les acquis de son expérience, notamment professionnelle, en vue de l’acquisition d’un diplôme, d’un titre à finalité professionnelle ou d’un certificat de qualification figurant sur une liste établie par la CPNE d’une branche professionnelle, enregistrés dans le Répertoire national des certifications professionnelles”. L'ensem de las competéncias professionaus (devudas a activitats benevòlas o salariaus) exerçadas au mensh tres ans (de seguida o pas) pòden dar dret a ua validacion deus aquesits d'experiéncia. Atau, per exemple las competéncias ligadas a las activitats sindicaus e benevòlas pòden tanben perméter d'obtiéner un diplòma gràcias a la VAE. NB : La formacion iniciau e los estagis ne donan pas dret a la VAE. La VAE entà qui ? Los diferents publics que pòden profieitar de la VAE son : - los salariats que sia deu privat o deu public (quin que sia lo contrat), - los tribalhadors non salariats, - los benevòles de las associacions. Las condicions entà ua VAE : - Passar ua VAE n'ei pas condicionat per lo hèit d'aver o de non pas aver ua prumèra qualificacion. - Cau exerçar o aver exerçat ua activitat (continua o non) en rapòrt dab la certificacion qui demandatz d'obtiéner mercés a la VAE. Las certificacions que podetz demandar : Que podratz preparar tots los diplòmas, las certificacions e las qualificacions de las brancas professionaus inscrivudas au "repertoire national”. Las mei correntas son : - los diplòmas professionaus, - los diplòmas tecnologics, - ensenhament superior, - diplòmas d'engenhaire, - diplòmas deus diferents ministèris (Agricultura, Joenessa e espòrt), La reflexion de miar avant d'aviar ua VAE Que's cau pausar tres questions a priori : - Quin ei lo vòste projècte professionau ? - Ei un projècte interessant respècte au mercat de l'emplec ? - Plan véger quin son los vòstes atots mes tanben las dificultats de viéner (mancas respècte aus besonhs deus emplegaires, temps de tribalh relatiu a la validacion de laVAE). La demanda de VAE : Auretz de demandar lo vòste dossièr a l'establiment qu'assegura la formacion e la certificacion. Entà estar segur que la VAE sia plan la responsa adaptada a la vòsta situacion, auretz la possibilitat de vos entresenhar auprès deus "points relais conseil VAE” presents dens cada departament de cada region. Aquestes punts que'vs poderàn ajudar a l'òra de véger los finançaments possibles (en Mieidia-Pirenèus per exemple, cau saber que la Region, l'Estat e l'Assedic asseguran lo finançament taus caumaires dinc a 1500 €). Lo "Pôle Emploi” qu'ajudarà los caumaires a verificar lo lor projècte professionau e lo finançament de la VAE.