Sètz aquí : Acuèlh > Divèrs, eveniments > Lo bilanç d’un an deu servici : l’emplec en occitan qu’aufreish possibilitats (...)
emploi
emploi
Lo bilanç d’un an deu servici : l’emplec en occitan qu’aufreish possibilitats professionaus e uns emplecs de qualitat

Un an après l’aviada deu "Servici de l’Emplec", la pausa qu’ei venguda de hèr un permèr bilanç deu segment deu mercat de l’emplec qu’arrepresenta l’emplec en occitan.

Un volum d’emplec deus interessants :

Deu punt de vista quantitatiu, lo "Servici de l'Emplec" a repertoriat 172 emplecs creats e necessitant competéncias en lenga occitana. Aquera chifra de 172 emplecs permet de confirmar l’utilitat deu "Servici de l'Emplec"

De mes d'aqueste volum d'emplec, ua analisi qualitativa deus emplecs en occitan que hè necèra.


Aufèrtas pas especiaument de las precàrias :

En efèit, la màger part de las aufèrtas d’emplec en occitan de 2010 concerniscó aufèrtas de tribalh de temps plen e salaris superiors au minimum legau. Entà comprénguer melhor la realitat deu mercat de l'emplec en occitan, qu'ei oportun de citar quauquas chifras claus de l’emplec occitan :

  • 54 % de pòstes a temps plen,
  • 60 % de salaris superiors au SMIC,
  • 32 % d’aufèrtas en CDI,
  • ua suberrepresentacion de las granas de l’ensenhament (70 % des postes creats).
  • ua suberrepresentacion de Mieidia-Pirenèus (32 %), Lengadòc (28%) e Aquitània (28 %) dens la reparticion geografica d'emplecs navèths.
  • 55 % de las aufèrtas degudas a associacions e 30 % a "l’Éducacion Nationale”.
  • 67 % de las aufèrtas exigishen ua mestria correnta de l’occitan.

Atau, l’occitan que pervei tanben emplecs de qualitat. A l'òra de causir ua orientacion, los futurs estudiants qu'an a pensar a la possibilitat d'obténguer un poste en occitan en l’Éducation Nationale (70 % de CDI). Aquesta que creè 34 pòstes en CDI e a temps plen en 2010. Mes que mes mercés au CRPE especiau occitan que met au concors tostemps mes pòstes de professors de las escòlas bilinguas.

 

Conclusion de l'estudi deu mercat de l’emplec en occitan.

Aqueste estudi hèr véger 3 resultats màgers :

  • Ua manca relativa de candidats respècte a l'aufèrta de tribalh en occitan (e donc, ua necessitat de formacion de las granas), d’autan mes que plan d'aufèrtas demandan ua mestria correnta de l’occitan.
  • Ua disparitat geografica en favor de las regions Mieidia-Pirenèus, Lengadòc e Aquitània
  • Un efèit positiu deu "Servici de l'Emplec" au nivèu de l'intermediacion que hè véger los comentaris deus emplegaires (entà un medish pòste a Tolosa, 2 candidats occitanofònes en 2008 e 7 en 2010) e lo creish regular de la miejana cumulada de visitas deu site internet pendent tota la pausa concernida per l’estudí.

Totas las aufèrtas d’emplecs actualizadas que son suu site www.emplec.com

L'estudi detalhat de las estatisticas d’aufèrtas d’emplec gessidas deu Servici de l’emplec que son disponibles suu site http://www.ieo-oc.org/L-emploi-occi...