Sètz aquí : Acuèlh > PLANVENGUDA sul Servici de l’Emplec
emploi
AGENDÀ de l'EMPLEC
emplec
emploi
emploi
PLANVENGUDA sul Servici de l’Emplec

Lo primièr servici que bòta en relacion emplegaires e demandaires d’emplecs a l’entorn de lor competéncia en occitan, mas pas solament.

Lo Servici de l'emplec conten las meteissas ressorsas que tota agéncia per l'emplec a saber d'aisinas a destinacion dels que cèrquan un emplec amb :

  • Totas las ofèrtas d'emplec ont l'occitan fa mestièr (recèrca per tipe d'emplec, zòna geografica..)
  • De ficas explicativas : coma bastir un curriculum vitae, coma aprestar una intrevista d'embaucha, coma mandar una candidatura espontanèa...
  • Un agendà de formacions ponctualas a l'entorn de la lenga occitana.
  • De paginas descriptivas e recapitulativas de las autras formacions permanentas en occitan o sus la lenga occitana.
  • La possibilitat d'enregistrar son perfil de demandaire accessible als emplegaires.
  • La possibilitat de postular en linha a una ofèrta d'emplec
  • La possibilitat d'enregistrar de critèris de recèrca e de se crear un alèrta mail per èsser tengut al fial de las novèlas parucions.

Mas tanben per facilitar lo trabalh d'emplegaires amb :

  • La posibilitat de segur de postar sas ofèrtas d'emplec
  • L'accès per login als demandaires d'emplec que auràn sasit un perfil
  • De ficas practicas per facilitar lo trabalh ligat a l'emplec o a la creacion de l'emplec (coma trobar d'ajudas per un novèl emplec, coma fargar un contracte de trabalh dins las règlas, un butletin de salari...).

Al delà d'aquel portalh internet, lo Servici de l'emplec rensenha sos utilizators per telefona, publica las ofèrtas d'emplec dins de facultats, ostals dels joves, centres d'informacions. Un vertadièr relai de l'activitat culturala e economica en occitan e un trempolin per l'embaucha de novèlas personas o per trobar sa dralha dins un trabalh en occitan.

Lo Servici de l'Emplec es estat realizat amb l'ajuda del Conselh Regional Miègjorn-Pirenèus, del Conselh Regional d'Aquitània, del Conselh Regional Provença-Alps-Còsta d'Asulh e del Ministèri de la cultura e de la comunicacion (Direccion Generala a la Lenga Francesa e las Lengas de França)