Sètz aquí : Acuèlh > Formacions permanentas > Mestièrs en occitan > Trabalhar dins una associacion culturala occitana
emploi
Per tot lo monde Mas informacions
emplec
emploi
AGENDÀ de l'EMPLEC
Stage Parlar niveau débutant
Del 21 al 23 février - Luòc: Tolosa
Lo CFPO Meidia-Pirenèus organiza un estagi en immersion a Tolosa (31) de tres dias tà apréner la lenga o se perfeccionar en Occitan. Aquera formacion qu’es pòt incríver dens lo quadre d’un DIF, CIF, plan de formacion. Ne saber mai
Estagis immersius en occitan de perfeccionament o per debutants
Del 21 février 14:54 al 22 février 15:54 - Luòc: Tolosa
Le CFPO Midi Pyrénées, spécialisé dans l’enseignement de l’occitan, propose, un stage de niveau débutant, un stage de niveau perfectionnement, et un d’initiation au Limousin. Ne saber mai
Formation courte : préparation aux épreuves du DCL Occitan à l’université de Montpellier
Del 1er mars 11:30 al 31 mai 12:30 - Luòc: Université de Montpellier
La formation prépare les candidats au type d’épreuves, avant l’examen du DCL. Elle est dispensée par des formateurs qualifiés et expérimentés : un professeur référent de l’UPV et des professeurs du 2nd degré habilités DCL. Cet entraînement ne constitue pas un cours destiné à améliorer votre niveau en occitan ; sa finalité est de vous familiariser à l’organisation et à l’esprit de l’examen, sa structure et ses exigences. Ne saber mai
emplec
emploi
emploi
Trabalhar dins una associacion culturala occitana
Trabalhar dins una associacion culturala occitana

L’interès per la lenga e la cultura occitana es mai e mai fòrt. Festenals, centres culturals o de documentacion, musèus se multiplican per difusar la creacion e lo patrimòni, per far viure e entendre la lenga. Per definir los projèctes, los metre en òbra, estructuras associativas e collectivitats territorialas an un fòrt besonh de personal qualifiat tant en lenga occitana coma dins lo domeni de l’accion culturala. Es aquela accion que nos interessa aquí, los mestièrs seus e las formacions qualificantas qu’i menan.

Los actors culturals :
Lo mitan associatiu es lo qu'a lo mai besonh de monde competent en action culturala. Un dels actors del domeni es la federacion IEO (Institut d’Estudis Occitans), associacion creada en 1945 l'IEO a per tòca lo manten e lo desvelopament de la lenga e de la cultura occitanas dins son ensem. La federacion ja emplega un quarantenat de personas al burèu federal o dins l'una de las 38 seccions regionalas e departamentalas.

Mas i a tanben d'autras associacions, de cercles qu'an una accion culturala locala o mai especializada a l'entorn de la lenga, los trobaretz dins las paginas accion culturala del sit www.paginas-occitanas.com

La cultura es tanben un domeni de competéncia de las collectivitats territorialas, mai e mai important aprèp la decentralizacion. Òm tròba sovent de cargats de mission a la cultura o a l'occitan dins de conselhs generals, regionals, de comunas, comunautats de comunas...En coordinacion, en sosten o en valorizacion dels projèctes associatius, las collectivitats pòrtan de còps lors pròpris projèctes.

Los mestièrs :
Portar las accions culturalas, es lo trabalh del cargat de mission (o de projècte, desvelopament, quin que siá lo tèrme). Es una persona competenta en gestion de projècte, rigorosa, qu' a un bona coneissença del mitan cultural, lo sens del contact, que sap trabalhar en còla o en autonomia. 

Las missions que li son balhadas son plan variadas mas s'agís sovent de coordinacion de projèctes (dins la federacion IEO, ostal Joan Bodon), de programacion d'eveniments (Org & com, Sirventés, al prèp d'un conselh general...), de gestion de mediatèca (CIRDOC de Besièrs), d'edicion e de difusion (IDECO, Cordae La Talvera...)

Dins las associacions, i a tanben de besonh per de pòstes mai especifics (secretariat, acuèlh, comunicacion, documentacion, comptabilitat...). Tota persona formada a aqueles mestièrs aurà mai d'oportunitats se parla la lenga.

Las formacions :
Existisson de formacions adaptadas (Masters, licéncias...) a aqueles mestièrs que prenon en compte las especificitats del mitan cultural. L'objectiu d'aquelas formacions es de balhar de competéncias, a l'entorn de l'accion culturala e de respondre aital a una demanda de mai e mai importanta de las estructuras culturalas e de las collectivitats localas de personal qualifiat.

Aquí una tièra (pas exaustiva) dels masters o licéncias presats que se pòdon far dins l'aira occitanofòna :

De senhalar tanben la formacion nòva del CFPO de Besièrs a destinacion dels jòves demandaires d'emplec : Préparation métiers de l’animation culturelle occitane et apprentissage de l’occitan

Pr'aquò cal pas doblidar que l'experiéncia es presada dels emplegaires. Es per aquò que las formacions d'aquel tipe conténon d'estagis per se confrontar a la realitat del terren sus de projèctes mai pichons.

D'autra part, es important de notar tanben qu'un bon nivèl de lenga occitana (amb una coneissença interdialectala sovent) demòra una condicion essenciala per complir las missions. Existisson de diplòmas per lo certificar e de formacions especificas per se perfeccionar (que trobaretz aquí).