Sètz aquí : Acuèlh > Totas las ofèrtas d'emplec > Ofèrta d'emplec - Ref : 735
emploi
AGENDÀ de l'EMPLEC
emplec
emploi
emploi
Ofèrta d'emplec - Ref : 735
label titre
encargat(ada) de mission region Occitania
Sector d'activitat

Ensenhament / Recèrca e formacion / Enfança

label niveau oc

Mestresa correnta

Mission

L’associacion Òc-Bi Aquitània es una associacion de parents d’escolans e d’ensenhaires que fa la promocion de l’occitan dins l’ensenhament public.

Las missions çai-jos seràn organizadas segon lo plan d’accions decidit e metut en plaça pel burèu :

 Acompanhar l’educacion nacionala pel desvolopament de las filièras bilingüas e aital onorar los objectius signats dins la convencion rectorala.  Mestrejar una coneissença fina de l’estructura escolara, per tal de seguir e d’assegurar la completud e la pertinéncia de l’ofèrta d’ensenhament dins l’academia, e poder projectar son desvolopament dins lo temps.  Convéncer la comunautat educativa de l’interès de l’ensenhament bilingüe aboriu francés-occitan.  Far la promocion e desvolopar la coneissença de l’ensenhament bilingüe francés-occitan al prèp :

  • dels parents de mainatges,
  • dels elegits de las comunas, comunautats de comunas, conselhs departamentals…
  • dels organismes e associacions del mitan escolar e cultural.
  • del public larg  Bastir, acompanhar, animar e estructurar lo malhum de las associacions ÒC-BI.  Participar als dossièrs administratius, e a la communicacion.

Relacions ierarquicas e fonccionalas : L’emplegat(da) serà plaçat(da) jos l’autoritat de la presidenta e del burèu de l’associacion.

Competéncias requesidas

 Aver una formacion minimala (bac + 3) amb competéncias en lenga occitana (lengadocian e/o lemosin) (nivèl C1 o C2 del Quadre Europèu Comun de Referéncia per las Lengas) en mai d’una bona coneissença de sa cultura.  Mestrejar los logicials de burotica e los malhums socials.  Aver de bonas qualitats d’organizacion e de gestion de projèctes, saber trabalhar en autonomia.  Saber prene d’iniciativas.  Qualitats relacionalas, facilitats oralas e capacitats d’argumentacion son indispensablas per aquel pòste.  Èsser innovador(oira).  Discernir, legir e comprene los perfils umans.  Permís de menar exigit, facilitat de deplaçament, pas aver paur de s’engolir los quilomètres.

Competéncias d’aquesir :  Coneissença de l’estructuracion dels servicis de l’Educacion Nacionala.  Compreneson del mecanisme de construccion del lengatge dels mainatges, subretot en situacion de bilingüisme aboriu.  Bastir e mestrejar un argumentari pròpri e convencent.

Descripcion complementària emplegaire

Lo depaus de las candidaturas es dobèrt del 20 de genièr al 20 de fevrier de 2017. Lo dossièr de candidatura comprendrà :  Un curriculum vitae ;  Una letra de motivacion en francés e en occitan

Aquel dossièr serà transmés per corrièr postal ambe acusat de recepcion, lo 31 de mars de 2017 darrièra limita, a l’adreça seguenta :

ÒC-BI Aquitània - 16 rue de Pujols - 47300 Villeneuve sur Lot,

amb còpia per corrièl a : ocbiaquitania@free.fr e martine.ralu@orange.fr

Una comission compausada notadament dels representants del burèu de l’associacion procedirà a l’examèn dels dossièrs. Se fa besonh, un entreten complementari se poirà prepausar als candidats.

Tipe de contracte CDI amb un temps de pròva de 4 meses.

Debuta del contracte Presa de fonccion prevista al pus lèu en 2017.

Nombre d’oras per setmana 35 oras, mas necessitarà desplaçaments e disponibilitats frequents per lo ser e/o la dimenjada. Los oraris seràn flexibles mas se poiràn recuperar pendent las vacanças escolaras al mens.

Salari mensual 1500 € nets. Ordinator, telefonet professional, remborsaments de desplaçaments e veïcule de fonccion provesits.

Academia de Bordèu per la formacion d’un an.

Tipe de contracte
cdi
Nombre d'oras per setmana
35 oras
Salari mensual
1500€
Nivèl d'estudi desirat

Licéncia

Experiéncia demandada

Debutant acceptat

Region d'emplec

Totas

Departament d'emplec

Totes los departaments


Veire las ofèrtas
Haut de page